(1962) Orbayu
El vientu suaviquín fai co' la fueya qu'apigaza 'n el suelu galvanosu, un llargu remolín, qu'enguedeyosu, en llocu 'sfargatar to l'aferviella.
La tarde ponse gris. Ves'una 'strella escuclar desd' el cielu silenciosu. Desfai la soledá un ñuberu 'smolguiosu que cuerr'en sin parar hasta que s' amuriella.
Espónxas'un raitán enriba la portiella que tá xunta'l nial. Y el marabayu lleva nel so piquín pa xantar la reciella.
Una gota s'esmuz desd'un escayu
y, a poquín qu'esnidiosa el suelu mueya, despacín..., despacín..., cai 'l orbayu.